Snertivigtun
Sjálfsafgreiðslu vigtarkerfi fyrir bílvogir
Snertivigtun frá Leiðum ehf er viðbót við vigtarkerfið Vigtarvörð.
- Snertivigtun gerir sjálfsafgreiðslu mögulega með snertiskjá-skráningastöðvum á vog.
- Virkni kerfisins byggir á því að bílstjóri skráir sig sjálfur inn og út af svæði þegar ekið er yfir bílvog.
- Bílstjóri skráir á snertiskjá hver greiðir fyrir farminn, hver er flytjandi, hvaða tegund farms er um að ræða ofl. Kerfið bætir síðan við þyngd og tíma innvigtunar bíls.
- Á útleið bætist síðan við þyngd bíls og tími útvigtunar.
- Reiknuð er þyngd farms sem mismunur milli inn- og útvigtunar og gjald fyrir farminn út frá skráðum taxta í efnisflokkaskrá.
- Hægt er að vinna með efnisflutning inn eða út af svæði eða hvorttveggja í einu.
- Bíla í föstum viðskiptum þarf ekki að núllvigta (tara) í hverri ferð sem flýtir verulega fyrir.
- Skráning fer fram á snertiskjá við bílgluggann svo bílstjóri þarf ekki að yfirgefa sætið. Ef vandamál koma upp getur afgreiðslumaður yfirtekið skráninguna og/eða leiðbeint með kallkerfi.
- Hægt er að tengja Snertivigtun við öll helstu lager og bókhaldskerfi.
- Snertivigtun er í fullri notkun hjá Hlaðbæ-Colas, stærsta malbiksframleiðanda landsins.
Dæmi um notkun Snertivigtunar: Hlaðbær-Colas
Hlaðbær-Colas, stærsti malbiksframleiðandi Íslands, notar Snertivigtunarkerfi frá Leiðum. Kerfið hefur verið sniðið að þeirra þörfum og er í fullri virkni.
Hér fyrir neðan má sjá virkni kerfisins.
Eftirfarandi myndband gefur stutta kynningu á kerfinu hjá Hlaðbæ-Colas:
Eftirfarandi myndband sýnir dæmi um innskráningu hjá Hlaðbæ-Colas:
Eftirfarandi myndband sýnir dæmi um útskráningu hjá Hlaðbæ-Colas:
Eftirfarandi myndband sýnir dæmi um notkun á kallkerfið hjá Hlaðbæ-Colas. Kallkerfið er notað til að aðstoða bílstjóra við skráningarferlið.
Vélbúnaður
- Snertiskjár í stálkassa með hljóðnema, hátalara og örmerkjalesara eru settir upp við hvorn enda vogarinnar.
- Inni í öðrum stálkassanum (skráningarstöðinni) er PC tölva með Windows stýrikerfi sem keyrir Snertivigtun hugbúnaðinn. Einnig er magnarabúnaður fyrir kallkerfi staðsettur í stálkassanum.
- Valmöguleiki er að setja upp myndavélar við sitt hvorn enda vogarinnar til að taka myndir af bíl, númeraplötu, farmi eða bílstjóra, sem er vistað með skráningunni.
Hugbúnaður
- Snertivigtun, sem er viðbót við Vigtarvörð, er hugbúnaður fyrir PC tölvu með Windows stýrikerfi sem tengist við bílvog og birtir skjámyndir á snertiskjánum. Kerfið byggir á Access gagnagrunni frá Microsoft.
- Tight VNC fjarstjórnarhugbúnaður er settur upp á þeim tölvum sem við á. Með honum er hægt að fylgjast með, aðstoða og taka yfir stjórn á skráningarstöðvunum úr hvaða tölvu sem er.
- Stjórnforrit er sett upp á sömu tölvu til að opna og loka fyrir hljóðnema, sem og að sýna myndskeið frá myndavélum ef þær eru til staðar.
Hér er PDF skjal með nákvæmri lýsingu á notkun kerfisins
Þú ert hér: Forsíða » Vörur » Vogalausnir » Vogakerfi » Snertivigtun