Leiðir ehf

Nýr vefur Leiða ehf

admin — Wed, 10 Mar 2010 16:00:42 +0000

Nú er kominn í loftið nýr og enn betri vefur Leiða ehf.

Fyrri vefsíða fyrirtækisins leit dagsins ljós árið 2004 og síðan þá hefur mikið vatn runnið til sjávar. Fyrirtækið hefur vaxið og dafnað og blómstrar nú sem aldrei fyrr og hafa umsvif þess aldrei verið meiri en nú í ársbyrjun 2010.

Í ljósi þess hve tækninni hefur fleygt fram undanfarin ár og mikilvægi vefsins aukist í starfi fyrirtækisins, var ljóst að breytinga var þörf. Því er það okkur sönn ánægja að hleypa af stokkunum nýrri og glæsilegri vefsíðu. Er það von okkar, að nýi vefurinn nýtist enn betur en sá gamli og þjóni þörfum okkar viðskiptavina eins og best verður á kosið.

Sorpa endurnýjar afgreiðslukerfi

admin — Sat, 12 Sep 2009 21:43:42 +0000

Leiðir ehf hefur lokið endurgerð afgreiðslukerfis Sorpu. Í stað strikamerkjakorta not viðskiptavinir nú örmerkjakort til að skrá komu sína á svæðið. Bílar sem aka um samtals 4 vogir vigtast sjálfvirkt á inn- og útleið og eru skráningarnar meðhöndlaðar í Axapta hugbúnaði sem prentar reikninga og sinnir innheimtu. Myndavélar vista myndir af vigtunum og starfsmenn nota kallkerfi til að aðstoða við afgreiðsluna. Verkið hefur tekið rúmt ár í vinnslu en skipt var um allan vélbúnað og bætt við skráningarstöðvum. Verkið var unnið í samstarfi við HugAx hugbúnaðarhús. Endurnýjun afgreiðslu- og skráningakerfis Sorpu er án efa stærsta verk Leiða frá upphafi en þess má geta að Leiðir hefur verið þjónustuaðili Sorpu um árabil. Leiðir ehf óskar Sorpu til hamingju með glæsilegt kerfi. Umfjöllun um Sorpukerfið má sjá hér.

Nýr starfsmaður hjá Leiðum ehf

admin — Sat, 01 Aug 2009 21:42:34 +0000

Nýr starfsmaður, Stefán Birnir Sverrisson, hefur hafið störf hjá Leiðum ehf. Stefán er rafmagnsverkfræðingur að mennt frá Álaborgarháskóla. Stefán er giftur Ingibjörgu Ástu Rúnarsdóttur tölvunarfræðingi og á hann með henni einn strák og er annað barn er á leiðinni. Ráðning Stefáns kemur til vegna stóraukinna verkefna hjá Leiðum ehf og á eftir að auka afkastagetu okkar til muna.

Hlaðbær Colas tekur í notkun Snertivigtun

admin — Wed, 01 Jul 2009 21:39:51 +0000

Leiðir ehf hefur lokið uppsetningu skráningarkerfisins Snertivigtun hjá Malbikunarstöðinni Hlaðbæ Colas. Með Snertivigtun geta bílstjórar aðstoðarlaust skráð sig inn og út af svæði, valið efni, verk ofl. beint á snertiskjá án þess að stíga út úr bílnum. Kerfið man þyngd bílsins þannig að einungis þarf að vigta einu sinni í hverri ferð. Hlaðbær Colas nær fram miklum sparnaði bæði í tíma og með aukinni nákvæmni með Snertivigtun. Leiðir ehf óskar forsvarsmönnum og starfsmönnum Hlaðbæ Colas til hamingju með kerfið. Nánari umfjöllun um Snertivigtun hjá Malbikunarstöðinni Hlaðbæ Colas má sjá hér.

Smelltu á myndina til að sjá hana stærri

Leiðir ehf stofnar nýtt dótturfélag

admin — Thu, 12 Mar 2009 21:37:12 +0000

Leiðir ehf hefur í samstarfi við Zeus Web Works ehf stofnað Ferðaþing ehf sem rekur Markaðstorg fyrir ferðaþjónustuna. Bæði söluaðila og ferðaþjónustu-birgja. Markaðstorgið byggir á bókunarkerfinu ODIN sem Zeus Web Works ehf hefur þróað og er m.a. í notkun hjá Ferðaskrifstofu Íslands. Markaðstorgið tengir saman framboð margra birgja og veitir því áfram til margra söluaðila. Allir söluaðilar geta selt frá öllum birgjum og birgjar geta jafnframt selt frá öðrum birgjum. Nýráðinn framkvæmdastjóri Ferðaþings er Ásgeir G. Bjarnason. Meiri upplýsingar um Ferðaþing má fá á heimasíðu fyrirtækisins Ferdathing.is.

Sorpa tekur í notkun Handgreiðslutæki á sorpmóttökustöðvum

admin — Thu, 01 Jan 2009 21:35:26 +0000

Leiðir ehf hefur afhent Sorpu Handgreiðslutæki með sölukerfi sérhönnuðu fyrir þarfir Sorpu. Handgreiðslutækið flýtir fyrir afgreiðslu og stóreykur þjónustustig á móttökustöðvum Sorpu. Sölukerfið er þróað í samstarfi við sprotafyrirtækið Controlant. Umfjöllun um Handgreiðslutækin má sjá hér.

Ný Scanvægt vog á Ísafirði

admin — Wed, 27 Aug 2008 21:30:02 +0000

Sorpbrennslan Funi á Ísafirði kaupir Scanvægt vog ásamt Vigtarverði. Vogin var sett upp nú í sumar á einungis tveim dögum

Vogin er framleidd úr forsteyptum einingum sem lagðar eru á sléttað undirlag þannig að ekki er þörf á að steypa undirstöður á staðnum. Vogina má stækka eða flytja án þess að nokkrum verðmætum sé fórnað.

Hægt er að skoða frekari upplýsingar um Scanvægt vogina hér og alla uppsetningarsöguna má sjá hér.

Við óskum Sorpbrennslunni Funa til hamingju með nýju vogina.

Smelltu á myndina til að stækka hana

Leiðir flytja í nýtt húsnæði

admin — Tue, 17 Jul 2007 21:27:00 +0000

Starfsmenn Leiða hafa verið önnum kafnir undanfarna daga við að flytja starfsemi fyrirtækisins í nýja aðstöðu í húsnæði Kjaran við Síðumúla 14.

Leiðir ehf deila nú húsnæði með ND á Íslandi ehf sem er framleiðandi SAGA ökuritans.

Tilkoma flutninganna er einmitt nýtilkomið samstarf Leiða ehf og ND á Íslandi ehf.

Við bjóðum viðskiptavini okkar velkomna í nýju aðstöðuna okkar að Síðumúla 14.

Vog í lyftara

admin — Mon, 29 Jan 2007 21:22:46 +0000

Milli jóla og nýárs settum við RAVAS RCS lyftaravog í lyftara hjá Rekstrarvörum.

Vogin er einungis tengd inn á glussakerfi lyftarans og er því í senn ódýr og einföld í uppsetningu.

Vogin er einföld í notkun og sýnir vigtina á skjá hjá ökumanni. Hægt er að láta vogina tara vigtina sjálfkrafa sem þýðir að hún dregur frá auka þyngd s.s. bretti.

Myndin sýnir lyftarann hjá Rekstrarvörum með vogina í notkun.

Smelltu á myndina til að stækka hana

Sýning á Björgun 2006

admin — Wed, 25 Oct 2006 21:15:07 +0000

Leiðir var með vel heppnaða sýningu á Björgun 2006, ráðstefnu Slysavarnafélagsins Landsbjargar sem haldin var 20-22 okt.

Á sýningunni kynntum við Bílatölvu-línu Leiða sem samanstendur af PC tölvum sérhönnuðum fyrir bílaísetningar ásamt snertiskjám og fleiri fylgihlutum sem eiga við s.s. baksýnismyndavélar, mjúk lyklaborð, sjónvarpsmóttakarar o.m.fl.

Viðtökur voru frábærar og mikill áhugi meðal gesta

Myndin hér fyrir neðan sýnir helsta búnaðinn sem felst í Bílatölvu-línunni ásamt ágripi á þeim gríðarlegu möguleikum sem bíltölvurnar bjóða uppá.

Frekari upplýsingar um vörur í Bílatölvu-línunni er að finna hér á vefsíðunni.

Smelltu á myndina til að stækka hana