Leiðir Verkfræðistofa ehf
Leiðir Verkfræðistofa ehf er lausnafyrirtæki með aðaláherslu á sjálfvirka skráningu.
Við seljum og þjónustum ólíkar tölvulausnir á mörgum sviðum. Helst ber að nefna:
- Móttöku og skráningakerfi fyrir sorpmóttökustöðvar og efnissölur. Notendur eru Sorpa í Gufunesi og Álfsnesi, Reykjavíkurborg, Gámaþjónustan, Sorpurðun Vesturlands, Sorpsamlag Þingeyinga, Funi á Ísafirði, Gáma á Akranesi og Vatnsskarðsnámur.
- Vogir í vinnuvélar og tæki s.s. lyftara, hjólaskóflur og bílvogir.
- Bílatölvur, snertiskjáir, baksýnismyndavélar og fylgihlutir.
- Snertiskjátölvur með vatnsheldum snertiskjá framleiddar af Leiðum. Dæmi um notkunarsvið er blautt umhverfi í fiskvinnslu og bílaísetningar.
- Upplýsingastandar frá Power-Kiosk
Fleira mætti nefna; þrátt fyrir að fyrirtækið sé ungt, skartar það árangursríkum ferli þar sem ánægðir viðskiptavinir eru í aðalhlutverki.
Fréttir af starfi Leiða
Leiðir Verkfræðistofa hefur hleypt af stokkunum nýjum kynningarvef fyrir RAVAS vogir. RAVAS framleiðir vogir í flestar gerðir lyftara. Vogirnar eru afar nákvæmar, áreiðanlegar og jafnframt löggildanlegar. Kíkið nánar á vefinn. mobile-weighing.is
Leiðir hefur samið við Iceland Express um sölu á Pidion handtölvum fyrir vörusölu um borð í flugvélum. Leiðir mun þróa söluforrit fyrir handtölvurnar og vera þjónustuaðili að þróun lokinni.
Leiðir hefur þróað og smíðað iButton skráningarstöðvar fyrir Nema í Færeyjum. Hver skráningarstöð inniheldur tvo iButton lesara og hefur samskipti við miðlægan vefþjón. Skráningarstöðvarnar munu vera notaðar fyrir tímaskráningu starfsmanna hjá ýmsum fyrirtækjum í Færeyjum. Upplýsingar um skráningarstöðvarnar er að finna hér.
Leiðir verkfræðistofa hefur flutt sig um set. Plássleysið var farið að segja til sín og því var tekin ákvörðun um að leita að nýju og hentugu húsnæði.
Leiðir hafa því flutt að Grensásvegi 3, 108 Reykjavík.
Undanfarin ár höfum við deilt húsnæði með SAGAsystem sem við höfum átt náið og gott samstarf með. Við höldum áfram á þeim grunni og deilum enn húsnæði með þeim. Bráðlega munu einnig bætast við tvö önnur fyrirtæki í rýmið á Grensásvegi 3. Það eru Zeus web works ehf og Ferðaþing ehf en Ferðaþing er í sameiginlegri eigu Leiða Verkfræðistofu ehf og Zeus web works ehf.
Það má því segja að brátt verði sannkallað fyrirtækjasetur að Grensásvegi 3.
Leiðir ehf hefur verið skráð sem verkfræðistofa. Meginverkefni fyrirtækisins eru að hanna og þróa lausnir fyrir viðskiptavini fyrirtækisins. Sjálfvirk skráning upplýsinga er meginviðfangsefni stofunnar. Ráðgjafahlutverk og hönnun ásamt hugbúnaðargerð eru því meginkjarni þeirrar þjónustu sem Verkfræðistofan Leiðir býður viðskiptavinum sínum. Nú sem áður mun stofan bjóða hagkvæmar lausnir sem leiða til aukins öryggis í meðferð upplýsinga auk hagræðingar og sparnaðar í vinnulagi viðskiptavina sinna.
Sem hluti af þessu ferli hefur félagið fengið nýtt nafn og heitir nú Leiðir Verkfræðistofa ehf.